Darren Hayman. Crissy M.

O Xoves, 12 de Abril. Teatro Vidal Bolaño. Un tipo curioso este Darren. Resulta que é profesor de Rock nunha universidade. Afortunadamente trouxo a algún dos seus alumnos a tocar con el e non un uquelele. O caso é que, aínda que con moitos peros, podo dicir que fun a un concerto de Hefner, por que só tocou temas antigos, con acústica, eléctrica, baixo e batería.
Resultou todo moi estraño, cheguei só ó concerto e, como non había niguén na porta do tatro, apurei a entrar pra ver se atopaba un bo sitio. Había cinco persoas cando entrei. Dez cando saíu ó escenario. Ó final do concerto habería unhas trinta. E eu alí só, que debía ser o único fan incondicional, e posiblemente un dos poucos que coñecían a Hefner, coa mesma ilusión cunha nena vai ver a Bisbal (Darren é máis guapo), con gañas de berrar as cancións e levantarme a aplaudir, e reprimíndome. Menos mal que apareceron dous colegas e puiden exteriorizar durante os bises.